နာမည်လေး ကြားလိုက်ရုံနဲ့ အလဲလဲအပြိုပြိုပဲ”
ကျွန်တော်က အစမရှိအဆုံးမရှိ ပြောလိုက်တော့ ကိုလတ်ကကြည့်တယ်။ သိတယ် အဲ့ဒီအကြည့်ကို။ မပြီးနိုင် မစီးနိုင် ဇာတ်လမ်းဟောင်းတွေ လာပြန်ပြီဆိုတဲ့ အကြည့်။
“ကြာလာရင် စိတ်ဒဏ်ရာတောင် ရလာနိုင်တယ်”
“တော်ပါတော့ကွာ..မင်း ဟာကလည်း..ငါလည်း အလွတ်ရနေပါပြီ”
ကိုလတ်က ပြောပြာဆိုဆို အကြမ်းခွက်ကို တရှူးရှူးနဲ့ မှုတ်သောက်နေတယ်။
“နေပါဦး..ငါက ဘာအကြောင်း ပြောတာ ထင်လို့လဲ”
“ဓာတ်ပြားဟောင်းကြီးပဲမလား “
“No ပါ..အခု ပြောနေတာ Dead Name အကြောင်း”
“Dead Name? ဟုတ်လား ..နာမည်သေ ပေါ့”
“ အေး ဒဲ့ပြန်ရင်တော့ အဲ့လိုပေါ့..”
ကျွန်တော်က ဆက်မပြောသေးဘဲ လက်ဘက်ရည်ခွက်ကို မော့သောက်တယ်။ တစ်ယောက်ယောက်က ကိုယ်ပြောမဲ့စကားကို သိချင်လို့ စောင့်နေတဲ့အချိန် မပြောသေးဘဲ အချိန်ဆွဲထားတာ မကောင်းမှန်းသိတယ်။ ဒါပေမဲ့ ဒီကောင့်ကိုတော့ ဒီလိုလုပ်မှ ဖြစ်မယ်။ သူ့အလှည့်ဆိုလည်း လုပ်နေကြလေ။ အပြန်အလှန်ပေါ့။
“Dead name မပြောခင် ..ဒါနဲ့ မင်း LGBT တော့ သိတယ် မလား”
“အင်း….။ဒါပေမဲ့ သူများတွေ သုံးလို့သာ လျောက်ပြောနေတာ။ ငါသိတာ L နဲ့ G ပဲ။ B နဲ့ T က သေချာမသိဘူး B က bi လား”
“အေး ဟုတ်တယ် …Bi-sexual ။ လိင်တူ လိင်ကွဲ နှစ်မျိုးလုံးပေါ် သာယာတတ်တာ။ Pansexual ဆိုတာ ရှိသေးတယ် “
“ဘာလဲ ..အဲ့ကောင်က ပိုကြမ်းတာလား”
ကိုလတ် မျက်လုံးကပိုပြူးလာတယ်။ အသံကျယ်လာတယ်။ သိလိုက်ပြီ။ ဒါမျိုး ဒီကောင် တော်တော် စိတ်ဝင်စားနေပြီဆိုတာ။ ဒါပေမဲ့ ကျွန်တော်ကတော့ သူ့ကို တရားရသလို ကြည့်ရင်း
“မဟုတ်ဘူးကွ.. pansexual ဆိုတာ Gender လုံးဝမခွဲတော့ဘဲ လူတစ်ယောက်ရဲ့ အရည်အသွေး quality ပေါ်မှာပဲ သာယာတတ်တော့တာမျိုးကို ခေါ်တာ။ Taylor Swift တို့ Janelle Monae တို့က သူတို့ကိုယ်ကို pansexual လို့ ခံယူထားကြသတဲ့..”
ပြောလို့ မဆုံးသေးဘူး ဝင်ဖောက်တယ်။
“ ဟုတ်လား…ငါ့ Taylor Swift လေးက အဲ့လိုလား..ဒါဆို ငါမျှော်လင့်လို့ရသေးတာပဲ”
“အေး pansexual နဲ့ တူသလိုလိုနဲ့ မတူတာက Omnisexual ပဲ…သူတို့လည်း all genders ကို စိတ်ဝင်စားတယ်..ဘာကွာလဲဆိုရင် သူတို့က pan လို မဟုတ်ဘူး..gender ရပ်တည်မှုအပေါ် သာယာစိတ်ရှိတယ်..ဘာ gender လဲ ကြည့်သေးတယ်…pan ကတော့ လုံးဝပဲ..ဒါကြောင့်လည်း pan တွေကို gender blindness လို့ သတ်မှတ်ကြတာ”
ကိုလတ် ခေါင်းကုတ်ပြီ။
“မင်းဟာကလည်း ရှုပ်ယှက်ခတ်နေတာပဲ”
“ရှုပ်ဆို အခေါ်အဝေါ်တောင် ကြည့်ဦးလေ…LGBTQIA + ဖြစ်နေပြီပဲဟာ..”
“ဟေ ..ငါက T တောင် မရောက်သေးဘူး”
“အေးဆေးပေါ့..ဒီနေ့ အချိန်ရတာပဲဟာ..ဟေ့ ညီလေးရေ..ရေနွေးလေး ဖြည့်ပေးပါဦး “
“T က Transgender ကွာ..Trans လို့လည်း အလွယ်ခေါ်ကြတယ်”
“သိပြီ..လိင်ပြောင်းလိုက်တာကို ပြောတာမလား”
“အွန်း ဒါပေမဲ့ လိင်ပြောင်းမှ ရယ်တော့ မဟုတ်ဘူး..မွေးရာပါ လိင်သတ်မှတ်ချက်နဲ့ လက်ရှိသွင်ပြင် မကိုက်တာ မှန်သမျှကို Trans ခေါ်လို့ရတယ်”
“L တို့ G တို့ ရှိ..”
“နေဦး မင်းမေးချင်တာ ငါသိတယ်..”
ကျွန်တော် ဖြတ်ပြောမိတော့ ကိုလတ်က မင်းဂွင်ပဲ..ပြောပြောဆိုတဲ့ အထာနဲ့ ခေါင်းဆတ်ပြတယ်။
“မင်းက L တို့ G တို့နဲ့ ဘာကွာလဲ သိချင်တာမလား..ဒီလိုကွာ…နားလည်လွယ်အောင် ပြောရရင် မိန်းကလေးတစ်ယောက်က မိန်းမသွင်ပြင်နဲ့ပဲ လိင်တူစိတ်ဝင်စားတာဆိုရင် Lesbian ကွာ…ဒါမှမဟုတ် သူက သူ့ရဲ့ သွင်ပြင်ကိုပါ ဆန့်ကျင်ဘက်အသွင်ပြောင်းလိုက်ပြီဆိုရင်တော့ Trans လို့ ခေါ်လို့ရပြီ”
“ဒါဆို ပွင့်နေတဲ့သူကို Trans လို့ သုံးပြီး အပုန်းကို Gay လို့ ပြောလို့ရတဲ့ သဘောလား”
“အေး သားကြီး …သဘောပေါက် လွယ်သားပဲ..တော်လာပြီ…ဒါပေမဲ့ ယောင်္ကျားလေးဘက်မှာတော့ ဘာဖြစ်ဖြစ် Gay လို့ပဲ အသုံးများပါတယ်။”
Waiter လေးက ရေနွေးလာချပေးတော့ နှစ်ယောက်သား ခဏ စကားပြတ်သွားတယ်။ လိင်ပိုင်းအသွင်အပြင်နဲ့ လိင်စိတ်ဆိုတာ အချိန်နဲ့အမျှ ပြောင်းလဲနိုင်တယ်။ တစ်စုံတစ်ယောက်ရဲ့ စိတ်မှာဖြစ်နေတဲ့ လိင်စိတ်ကို နောက်တစ်ယောက်က နားလည်ဖို့ မလွယ်ဘူး။ သူတို့ရဲ့ ဖြစ်တည်မှုမှာ သူတို့ကိုယ်တိုင်ကျေနပ်နေစေဖို့ ၊ စိတ်ဒဏ်ရာမရဖို့ ဦးတည်ရင်း စိတ်တူရာ community လေး ပေါ်ပေါက်လာစေဖို့ ဒီလို အသုံးအနှုန်းသစ်တွေ မွေးဖွားလာရတယ်လို့ ဆိုကြတယ်။
“မင်း ငါတို့မြို့က ‘…..’ ကို မှတ်မိသေးလား”
“အေး သိတယ်လေ..အလှူတွေ ပရဟိတအလုပ်တွေဆို အမြဲပါတတ်တာ”
“မင်း သတိထားမိလား..သူ့ကို ဘယ်သူကမှ ကို ဖြစ်ဖြစ်၊ မ ဖြစ်ဖြစ် နာမ်စား တပ်မခေါ်ဘူး။ သူကိုယ်တိုင်ကလည်း သူ့နာမည်ကိုပဲ နာမ်စားလုပ်ပြောတယ်။ ကျွန်တော် ကျွန်မတွေ လုပ်မနေဘူး..”
“အေး…” ကိုလတ်က တွေးတွေးဆဆနဲ့ ဖြေတယ်။
“နောက် သူ့ကို ကြည့်လိုက်ရင် တစ်ခါတလေ ယောက်င်္ကျားလို ဝတ်လိုက်၊ တစ်ခါတလေကျ မိန်းမလို ဝန်လိုက်နဲ့..နေလည်း အဲ့လိုပဲ..ဟိုလိုဒီလိုပဲ”
ကိုလတ်က စဉ်းစားနေဟန် ။
“သူနဲ့တော့ စကားတစ်ခုမှ မပြောဖူးပေမဲ့..ငါထင်တာတော့ သူက Q ဖြစ်နိုင်တယ်”
“လာပြီလား… Q က”
“အေး Questioning တဲ့..သူတို့ဘာသာ ဘယ် gender ယ်လို့ မခံယူတာ ..ဒါမှမဟုတ် ဝေဝါးနေတာမျိုး..”
“Genderfluid ဆိုတာမျိုးလား…သူတို့ရဲ့ လိင်စိတ်က အချိန်အမျှ ပြောင်းနေတယ်ဆိုတာလေ…ငါ ဖတ်ဖူးတယ်”
ကိုလတ်က ဘယ်ရမလဲ…တစ်ကွက်ပြန်ပြလိုက်ပြီဆိုတဲ့ အထာနဲ့ အားတက်သရော မေးတယ်။
“အေး ပြောလို့ရပါတယ်။ ဒီနေရာမှာ အခေါ်အဝေါ်တွေက အတည်တကျ မရှိသေးဘူး..ဟိုလိုခေါ်မယ် ဒီလိုခေါ်မယ် ငြင်းနေကြတုန်း..အခု ပြောတဲ့ Q ကို တစ်ချို့ကျ Queer တဲ့။ ငါကတော့ အဲ့အသုံးက slur ဖြစ်လို့ မကြိုက်ဘူး”
ကိုလတ်ကြည့်ရတာ သူပြောတာ မှန်တယ်ဆိုတော့ကျေနပ်သွားတဲ့ပုံ။ I ဆက်ပြောကွာ၊ ခဏနေ ရုံးသွားရတော့မယ်တဲ့။
“I ကတော့ ပြောစရာ အထွေအထူးမရှိပါဘူး။ Intersex တဲ့။ လူတစ်ယောက်ရဲ့ ပြင်ပလိင်အင်္ဂါ၊ မျိုးပွါးအင်္ဂါ ၊ ဟော်မုန်းစတဲ့ နေရာတွေမှာ ကျားလိုလို မလိုလို ဖြစ်နေတာမျိုးကို ခေါ်တာ”
“ဒါဖြင့် A ကရော…”
“Asexual တဲ့..။ လိင်စိတ်တပ်မက်မှု လုံးဝ မရှိတာ။ ဘာသာရေးအရ လူမှုရေးအရ ရှောင်တာ မျိုး မဟုတ်ဘူးနော်။ စိတ်ခံစားချက်ကို မရှိတာ။ Romantic attraction တော့ ရှိနိုင်တယ်။ A ကို နောက်တစ်မျိုး Aromantic လို့လည်း ပြောတယ်။ သူ့ကျ အပေါ်တစ်ခုနဲ့ ပြောင်းပြန်ပေါ့။ ရိုလို့ မရတာ။ sexual တော့ ရှိနိုင်တယ်။ “
“ အိုကေ..ပေါက်ပြီ…ဒါဆို ငါ့ကို Dead name က ဘာလဲ ပြောပြတော့”
ကိုလတ်က ရုံးချိန်နီးပြီမို့ လောကလည်းလော၊ သိကလည်း သိချင်နေသေးတဲ့ပုံ။
“Dead Name ဆိုတာ ဒီလိုကွာ…”
လူတစ်ယောက်ရဲ့ အတိတ်က နာမည်တစ်ခု ၊ လိင်စိတ်ပိုင်း ပြောင်းလဲပြီးနောက်မှာ မသုံးချင်တော့တဲဲ့ နာမည်၊ ဒါပေမဲ့မိဘဆွေမျိုးတွေ သူငယ်ချင်းအရင်းတွေက နှုတ်ကျိုးနေလို့ အခေါ်ခံရတဲ့အချိန်တိုင်း trauma တွေရနေရတယ်၊ အတင်းငြင်းပယ်ရလည်း အခက် လက်ခံရလည်း အခက်နဲ့ ကြာလာတာနဲ့အမျှ စိတ်ဒဏ်ရာတွေက စုလာတယ် စိတ်ပိုင်းဆိုင်ရာ ရောဂါတွေတောင် ရလာနိုင်တဲ့အကြောင်း ရှင်းပြတော့ ကိုလတ်က နားလည်သွားဟန်နဲ့ ခေါင်းတဆတ်ဆတ်
ညိတ်တယ်။ပြီးတော့ ပြောသေးတယ်။
“အရင်းနီးဆုံးတွေပေးတဲ့ ဒဏ်ရာဆိုတာ ဒါမျိုးနေမှာ”
“အေးပေါ့…မေ့ထားတဲ့ နာမည် တစ်ခါအခေါ်ခံရတိုင်း နင့်ခနဲပဲတဲ့..ငါ့ကို လူနာ တစ်ယောက်ပြောဖူးတယ်..မျက်ရည်တွေတောင် ကျလို့”
“အေးပေါ့ကွာ..သူ့နေရာကစဉ်းစားကြည့်ရင် အခံရခက်ကြီး ဖြစ်နေမှာပေါ့”
ကိုလတ်က ပြောပြောဆိုဆို လက်ကျန် ရေနွေးခွက်ကို မော့သောက်တယ်။ ပြီးတော့ တစ်ခု သတိရဟန်နဲ့ မေးတယ်။ A နောက်က + ကရော ဘာလို့ထည့်ထားတာလဲတဲ့။
“ကိုယ့်လိင်စိတ်က အခုပြောတဲ့ဟာတွေနဲ့ မကိုက်သေးဘူးဆိုရင်.. အဲ့+ လေး ကိုယ့်အတွက်ပါတဲ့။ ကြိုက်သလို ထပ်ကွဲပြားလို့ ရပါသေးတယ်ဆိုတဲ့ သဘောပေါ့”
“ဒါဆို ငါ့လို ဘယ်လောက်ပဲဆိုးဆိုး Baby လေးအပေါ်မှာပဲ သာယာနေတာ ချစ်နေတာကျ ဘယ်လို ခေါ်ရင် ကောင်းမလဲ”
“C လို့ ပေးပေါ့ဟ”
“ဘာလဲ C က”
ကိုလတ်က တကယ်ကြီး သိချင်ဟန်နဲ့ မေးတယ်။
“Cow ..လေ “
ဆဲသံက တိုးတိုးထွက်လာတယ်။
“L G B T Q I A C ပေါ့”
ဆဲသံက ပိုကျယ်သွားတယ်။
ငယ်သူငယ်ချင်း နှစ်ယောက်ရဲ့ စကားဝိုင်းဆိုတာ ဒါမျိုးမှ ပိုပီပြင်တတ်တာမျိုး မဟုတ်လား။
Written by Dr. ကြည်ဖေလင်း
Page တွင် တင်ထားသော စိတ်ကျန်းမာရေးစာစုများကို အောက်ပါလင့်မှတဆင့် ဖတ်နိုင်ပါသည်။
■ ကိုယ်တိုင်ပဲဖြစ်ဖြစ်..ကိုယ်ချစ်ခင်တဲ့သူ တဦးဦးပဲဖြစ်ဖြစ် စိတ်ပိုင်းဆိုင်ရာ ပြဿနာတွေ ခံစားနေရရင် ကျွမ်းကျင်သူတွေနဲ့ တိုင်ပင်ဆွေးနွေးဖို့ တွန့်ဆုတ်မနေပါနဲ့။
■ ဆွေးနွေးတိုင်ပင်ဖို့ မလိုသေးပါဘူး၊ ဆွေးနွေးရတာ ရှက်စရာကြီးလို့လဲ မတွေးပါနဲ့။ စောစောကုသမှု ခံယူလေ စိတ်ပိုင်းဆိုင်ရာဝေဒနာတွေနဲ့ စောစောကင်းလွတ်လေ ဆိုတာ အမှတ်ရပါ။
■ ကိုယ်ရေးကိုယ်တာအချက်အလက် လုံခြုံစွာနဲ့ သေချာအချိန်ပေးပြီး နွေးထွေးပွင့်လင်းစွာ ဆွေးနွေးပေးတဲ့ စိတ်ကျန်းမာရေးအထူးကုတွေနဲ့ တိုင်ပင်ဖို့ အခက်အခဲကြုံနေရရင် Hepta Mental Health Clinic က ကူညီပေးနိုင်ပါတယ်ခင်ဗျ။
■ ဆွေးနွေးလိုလျင် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူလို့ရပါတယ်ခင်ဗျာ။